بر بال بوریا (متن اشعار مداحی های حاج مهدی رسولی

نگهونده ناز جنان اوغول دهنونده عطر اذان اوغول
نگهون دوتوب نیه خار و خس دهنون دوتوب نیه قانو اوغول

چمن بقاده قدم ویروب نه معطر اولموشان اکبریم
آنامین عزیزی ورق ورق گوله بنزر اولموشان اکبریم
سنی اکبر آدینه یوللادیم نیه اصغر اولموشان اکبریم
سنی گورنجه داغدیبدیلار بومکان اوغول اومکان اوغول

نیلیوم سن اولماسان اکبریم بو جهان تیره و تاری من
نه گوزوم گورور نه دیزیم گلور سورونم گرک سنه ساری من
داخی گورمسم الرم علی او حیالی چشم خماری من
اوحیالی چشم خماریده یغشوبدی عالم جان اوغول

ائله من علی باخیب آغلادیم قدیمین دالیجا یانا یانا
نه اوغول ، شهادته یوللادیم ائله بیل پیمبری میدانا
بلیوبدی هانسی سیاه دل بو اذان دین دوداقین قانا
نه دوداق نه دیل نه بو جسم و جان بلشوبدی قانه اذان اوغول

ائله بیل بو زلف سیاهیدن قان ایچنده سنبل الیمده دی
قان ایچنده قان آپاروب دوشن گون ائوینده بلبل الیمده دی
بیر اوغول شهادته یوللادیم بیر عبا قیزیل گل الیمده دی
بیر عبا قیزیل گولی من ویروم آناوا نه نوعی نشان اوغول

بالا باغبان اولی سد راه گوله کیمسه گولدن آغیر دیه
نه حالا قالار گوره باغبان، گولی پیرهن یارادان گیه
بو یارا او یاره نون اوسته دی آپاریم سنی نجه لیلیه
دوشور آیری عضولر عضویدن سنی من ویرنده تکان اوغول


بئله گویلومه دوشوب اکبریم سنی بیر دویونجا قوجاقلیام
اوز الیمله آغلیا آغلیا باشوین یاراسینی باغلیام
باخیر اشقیا یوزومه گولور ائله ایستورم سنه آغلیام
منی شمر یخماسا مقتله یخاجاق بو زخم زبان اوغول
 
سنی شرحه شرحه ائدن قشون من سالخورده یه گرد اولوب
دل داغدیده ی من علی غم بیکرانیوه یورد اولوب
داشون اوسته گوزگو دوشوبدی یا سینون سوموکلری خرد اولوب
نه سالوب تکثره نوریوی بو گروه ظلمتیان اوغول
 
نئلیوم چمنده کی خاریدن گولومون گونی قارادی قارا
گل لیلی ساقه و برگیده هامی قسمتون یارادی یارا
منه بیر ئوپوش یری جانیده دی گوروم علی هارادی هارا
بیر ئوپوش آتا بالا عالمی نه باشا گلوبدی گران اوغول

ادوات مهلک حربیدن نه باشون قالوب نه تنون قالوب
نه جمال و خال و خطون قالیب نه نه نبی نما دهنون قالیب
نه گلوبدی باشیوه یوسفیم  نه بدنده پیرهنون قالیب
داخی بین گله ی گرگیده نجه اولمیوم نگران اوغول

دل اهل کینه ی کوفه ده نه آغیردی کینه سی حیدرین
هر الی چاتان هدف ایلیوب وسط مبارزه پیکرین
منه