بر بال بوریا (متن اشعار مداحی های حاج مهدی رسولی

گل قوجاقیمه یات یورولموشان سینم اوسته راحت  اوغول علی
نیمه باغلانان گوزلرین یوموب ایله استراحت اوغول علی

گه بوخیمه ده گه اوخیمه ده ال به ال دولاندیردیلار سنی
عمه وین قوجاقینده یوخلادین اوخ آتوب اویاندیردیلار سنی
یوللادیم گیدن سو ایچن گلن قانیوه بویاندیردیلار سنی
سو یرینه تیر بلا ویروب  شربت شهادت اوغول علی

دیل آچوب دینن قلبیوه طرف
بو اوخی فلک سیخسین اوخ آتان!
گور نجه آنامین کولی چیخیر، اوت دوتوب کولون چیخسین اوخ آتان!
خسته جان ربابین دلینده کی ناله لر ایوین یخسین اوخ آتان!
بیر ائلین ایوین بیر نفر یخوب بو نجه عداوت اوغول علی 

آتش فنا پیشه حکمی وار خیمه گاهون اوضاعی غنچیه
اوچ گجه گونوز من باخاباخا قالدی لبلرین سو دیه دیه
حرمله سنه ایلدی جفا مندن سن ربابیدن کوسموشن نیه
من که آلتی آی ائتمیشم سنه صادقانه خدمت اوغول علی

غنچه تشنه اولسا فرشته لر تز توکلله باران بوغازینه
چشمه چشمه سو وقفه سیز اوغول بذل ایدئلله سوزان بوغازینه
هاردا سود امر ایستینده سو اوخ ویراللا عطشان بوغازینه
کیم قویار گل نوشکفته نی یاندیرا حرارت اوغول علی

گرچه کربلاده بلالره سن بلی دئدون من بلی دئدیم
ظالمه دییدون نه سن اوخ آت، چاره یوخ نه من اخذ آب ائدیم
حرمله عذابون شدید اولا سو که ویرمیرن قوی چیخیم گئدیم
بو نجه اوشاقه سو وئرمدی بو نجه سقایت اوغول علی

آلتی ای نه شوقیله هر گجه باشین اوسته من ویرمیشم کشیک
بیر ستمگر اوخ سرنوشتیمی سالدی بیر قرا روزیله دئشیک
کیم بئله ائدردی خیال اوغول بیر آنان قالا بیرده بوش بشیک
بیر بشیکده کی نیمه سی یانار وقت قتل و غارت اوغول علی

بیر آنا بالا بوسه لشمگه حسرتم علیجان دوداقیوه
ای ربابی گوزدن آتوب گئدن
خیر چخسون اوغلوم قباقیوه
چوللری دولاننام ایاق یالین
نیزه لر دالیجا سراغیوه
شاهزاده نون آردیجا دوشر چوللره رعیت اوغول علی

آلتی آیدا بو اوچ گون اوچ گجه سالدی جانیمی آیری بیر حالا
آتش خیالونده یانموشام آز قالوبدی مندن کولوم قالا
گوزلرون آخاندا نه چکمیشم بیر خدا بیلور بیرده سن بالا
 قتلیمه همان منظره منیم ایلیر کفایت اوغول علی

عمریدن گچور دم نفس نفس سینمه گلور غم قوشا قوشا
حرمله اوخی بیر گلیدی کاش عمریمی ویریدی اوغول باشا
ای آناسینی چوللره سالان گورنجه چیخوبدور الیم بوشا
کربلاده سر گشته یللره اولموشام شباهت اوغول علی

کوفیان سو بابینده